अवैद्य बालुवा झिक्ने ट्याक्टर सहित चालक नियन्त्रणमा

अजय मिश्र, कपिलबस्तु ।
कपिलबस्तुको विजयनगर गाउपालिका अन्तरगत पर्ने ईलाका प्रहरी कार्यलय गणेशपुरको टोलीले ३ वटा ट्याक्टर र टालीलाई नियन्त्रणमा लिएको छ । प्रहरी नायव निरिक्षक जेद बहादूर काउछा को कमान्डमा खटिएको सिभिल गस्ती टोलीले राति २ बजे अवैध बालुवा झिक्ने क्रममा ति ट्याक्टर र चालकलाई पक्राउ गरेको हो । पक्राउ पर्नेमा शिवराज नगरपालिका ८ पठपर बस्ने बर्ष ६२ वर्षिय सक्टू यादव, २५बर्षिय छोटू यादव रहेका छन् भने कृष्णनगर नगरपालिका वडा नं.९को लु १ त २८३८ नं.को ट्रेक्टरका चालक फरार रहेको ईलाका प्रहरी कार्यालय गणेशपुरले जनाएको छ । चालक संगै प्रहरीले लु १ त २७८१ र लु ३ त ८६४५ नं.को ट्रेक्टर ट्राली नियन्त्रणमा लिएको हो ।
स्थानियले अबैद्य बालुवा चोरिने काम धेरै दिन देखि चलि रहेको र सुरही खोलाको आसपास गाउहरुमा जम्मा गरी महगो दर मा बिक्री गर्ने गरिएको बताउदै आएका छन् ।