इँटा उद्योगका सुपरभाइजर हत्याको विरोधमा सुनसरीमा प्रदर्शन

इटहरी ।
इँटा उद्योगीका सुपरभाइजरको हत्या विरोधमा सुनसरीको दुहबीमा विरोध प्रदर्शन भएको छ । आज मर्निङ वाकबाट फर्कने क्रममा जय बाबा इँटा उद्योगका सुपरभाइजर फिदा हुसेनको गोली हानी हत्या भएको थियो। हत्यारालाई तत्काल प्रकाउ गरी कारबाहीको माग गर्दै विरोधमा प्रदर्शन भएको हो ।
प्रदर्शनकारीले धरान–विराटनगर खण्डको दुहबी–सोनापुर क्षेत्र अवरोध गरेका छन । शृंखलाबद्ध हत्या हुँदा पनि प्रहरी निरीह बनेको भन्दै उनीहरुले टायरसमेत बालेर प्रदर्शन गरेका हुन । यसअघि गत असोज ४ गते विद्यालयको छलफल सकेर घर फर्केने क्रममा हरिनगरा गाउँपालिकास्थित भुटाहा बजारमा खुर्सिद आलमको गोली हानी हत्या भएको थियो ।