स्कुटी र डोजर ठोक्किँदा युवक गम्भीर घाइते

दाङ ।
तुलसीपुरमा स्कुटी र डोजर एकापसमा ठोक्किँदा एक युवक घाइते भएका छन् । घाइते हुनेमा तुलसीपुर–६ का २३ वर्षीय प्रदिप भण्डारी रहेको इलाका प्रहरी कार्यालय तुलसीपुरका प्रमुख डिएसपी प्रेमबहादुर शाहीले जानकारी दिनुभयो ।
डिएसपी शाहीका अनुसार पूर्वबाट तुलसीपुर बजारतर्फ आइरहेको रा ४ प ५८६ नम्बरको स्कुटी घोराही तुलसीपुुर सडकखण्डको पेट्रोलपम्प नजिकै सडकमा काम गरिरहेको रा १ क २९९ नम्बरको डोजरमा ठोक्किँदा दुर्घटना भएको हो । गम्भीर घाइते भण्डारीलाई तुलसीपुरमा सामान्य उपचारपछि थप उपचारका लागि नेपालजञ्ज रिफर गरिएको छ। चालकसहित डोजरलाई प्रहरीले निणन्त्रमा लिएको छ ।