काङ्ग्रेस गुल्मीको प्रथम जिल्ला सम्मेलन मंसिर २० र २१ गते हुने 

शिवलाल सुवेदी ।

नेपाली काङ्ग्रेस गुल्मीको प्रथम जिल्ला सम्मेलन मंसिर २० र २१ गते हुने भएको छ । आईतवार नेपाली काग्रेस गुल्मी कार्यसमितीको वैठकले गरेको निर्णय सोमवार पत्रकार सम्मेलन मार्फत सार्वजनिक गदै एकताको प्रथम जिल्ला सम्मेलन गर्ने काग्रेस गुल्मीले जनाएको छ ।

बिधान अनुसार प्रत्येक बर्ष गर्नुपर्ने सम्मेलन विभिन्न कारणले गर्दा लामो समयदेखि हुन नसकेको भन्दै काग्रेस गुल्मीले मसिंर २० र २१ गते हुने प्रथम सम्मेलनमा  पाटीका सभापति शेर बहादुर देउवा र वरिष्ठ नेता रामचन्द्र पौडेललाई एउटै मञ्चमा उपस्थित गराएर एकताको सन्देश जाने गरि प्रथम जिल्ला सम्मेलन सम्पन्न गर्ने काग्रेस गुल्मीका सभापति भुवन प्रसाद श्रेष्ठले जानकारी दिएका छन । अहिले पार्टी केन्द्रिय कार्यसमितिमा गुटबन्दी देखिएकाले देउवासहित वरिष्ठ नेतालाइ एउटै मञ्चमा ल्याएर एकताको सन्देश दिन खोजिएको छ सभापति श्रेष्ठले भने‘ दुवै नेता ज्यूहरुले आउछौ भन्नुभएको छ ।’ सम्मेलनकै पहिलो दिन गुल्मी पार्टी कार्यालयमा स्थापना गरिएको सहिद सम्शेर बहादुर खत्रीको स्मारक अनावरण गर्ने कार्यक्रम पनि रहेको पार्टी सचीव खिलध्वज पन्थीले बताए ।

सम्मेलनमा गाउँ कार्यसमितिका सभापति, क्षेत्रीय सभापति, महाधिवेशन प्रतिनिधि, जिल्ला कार्यसमिति , वडा सभापति, उपसभापति र सचिव गरि करिब ३ सय ५० जना नेता कार्यकर्ताहरु सम्मेलनमा सहभागी हुने काग्रेसले जनाएको छ । सम्मेलनकै तयारीका लागि मङ्सिर ८ गते सबै स्थानीय तहमा एकैसाथ २ जना जिल्ला प्रतिनिधिको उपस्तिथिमा भेला गर्ने निर्णय गरेको पार्टी सचीव तथा प्रबक्ता बिस्नु सापकोटाले बताइन । काग्रेसको यो ऐतिहासिक पर्व भएकाले पनि सम्मेलन सफल बनाउन पार्टी जिल्ला कार्यसमिति, तरुण दल, नेबिसघ लगायतका भातृसंगठन परिचालन गरि धेरैभन्दा धेरै नेता कार्यकता सहभागी बनाएर उद्घाटन कार्यक्रम गर्ने तयारी भएको बताइएको छ ।