रुपन्देहीमा हत्याको आरोपमा दाजुभाइ पक्राउ

रुपन्देही ।
प्रहरीले हत्याको आरोपमा २ जनालाई पक्राउ गरेको छ । ओमसतिया गाउँपालिका ५ बस्ने ३८ वर्षीय अंगद चौधरीको हत्या गरेको आरोपमा प्रहरीले स्थानीय चन्दन भन्ने राम रतन निषाद र ज्ञानु भन्ने रोशन निषादलाई पक्राउ गरेको हो ।
पक्राउ परेका उनीहरु दाजुभाइ हुन् । छठको रमझम हेर्न हिँडेका अंगद मृत अवस्थामा भेटिएका थिए । उनीहरुले नै हत्या गरेको आरोपमा परिवारले रतन र रोशनविरुद्ध किटानी जाहेरी दिएपछि प्रहरीले पक्राउ गरेको हो ।