शिवपुरमा गाडी ठोक्किए, चार जना घाइते, एकको अवस्था गम्भिर

मायादेवी अनलाइन, कपिलवस्तु ।
कपिलवस्तुको शिवपुरमा आज विहान सवारी ठोक्किदा चार जना घाइते भएका छन । पश्चिमबाट पूर्व आउँदै गरेको मिनी ट्रक र पूर्वबाट पश्चिम जादै गरेको कु्रजर एक आपसमा ठोक्किदा दुर्घटना भएको हो ।
दुर्घटनामा एक जना गम्भिर घाइते भएका छन । उनको बुटबलमा उपचार भैरहेको वडा प्रहरी कार्यालय चन्द्रौटाले जनाएको छ । यस्तै अन्य तीन जनाको पनि चन्द्रौटामा सामान्य उपचार पछि थप उपचारको लागि बुटबल रिफर गरिएको छ । घाइते हुनेहरुमा दाङका दिनेश श्रेष्ठ र दाङकै सन्तराम रौतार रहेका छन । अन्य दुई जनाको नाम खुल्न सकेको छैन ।
दुर्घटनाको अनुसन्धान भैरहेको प्रहरीले जनाएको छ । बीच बाटोमै सवारी ठोक्किदा एक समय पूर्व पश्चिम राजमार्ग अवरुद्ध हुन पुगेको थियो । अहिले ठोक्किएका सवारी हटाएर सवारी आवातजावत सुचारु गरिएको छ ।