बेवारिसे शवको पहिचान खुल्यो

कपिलवस्तु ।
कपिलवस्तुमा आइतबार विहान फेला परेको वेवारिसे शवको पहिचान खुलेको छ । जिल्ला प्रहरी कार्यालय कपिलवस्तुका अनुसार उक्त शव शिवराज नगरपालिका वडा नं. ९ शिवगढी बानिया बस्ने बर्ष ६० का बुजिमन रोका रहेका छन ।
कपिलवस्तु नगरपालिका वडा नम्बर ६ अन्तर्गत निगालीकोट र थुम्हवाको बीचमा आइतबार बिहानै उनको शव भेटिएको हो ।
शव भेटिदा मृतकको पहिचान खुल्न सकेको थिए । उता कार्तिक २५ गते देखि हराइरहेका रोकाको घरपरिवारले खोजी गरिरहेका थिए ।