वाणगंगामा भव्य भजन कन्सर्ट आयोजना

चन्द्रकान्त न्यौपाने, वाणगंगा ।
कपिलवस्तुमा सोमबारबाट लागुपदार्थ तथा दुव्र्यसनविरुद्ध जनचेतना एवम् विशाल श्रीमद्भागवत कथा तथा आनन्द उत्सव सुरु हुँदै छ । आध्यात्मिक कथा प्रवचनको माध्यमबाट जिल्लामा सामाजिक, धार्मिक, सांस्कृतिक सद्भाव र जागरण कायम गर्न पहिलो पटक भजन कन्सर्ट सहितको कार्यक्रम आयोजना गरिएको हो ।
जितपुर टोल विकास समितिको आयोजनामा बगंलामुखी मन्दिर प्राङगण बाणगंगाा १ जितपुरमा सम्पन्न हुन लागेको आनन्द उत्सवको भोली प्रदेश सांसद विष्णु पन्थीले उद्घाटन गर्नु हुने छ । उद्घाटन सत्र अगाडी विहान साढे ९ बजे चार नम्बर चोकबाट भव्य कलस यात्रा आयोजना गरिएको आयोजक जितपुर टोल विकास समितिका अध्यक्ष मदन ढुङ्गानाले जानकारी दिनु भयो । कलस यात्रामा बाजागाजा सहित बिभिन्न संस्कृति झल्कने खालका प्रस्तुति हुने अध्यक्ष ढुंगानाले जानकारी दिनुभयो । कलस यात्रापछि उद्घाटन सत्र सुरु हुने छ ।
कार्यक्रमको अर्को लक्ष्य जिल्लाका प्रमुख पर्यटकीय चिनारीलाई विश्वभर पु¥याउनु रहेको छ । जिल्लाका तिलौराकोट, नन्दनगर, श्रृङगीघाट, भागिरथी नदी, शिवपुर, जगदिशपुर, राजापानी, सुपा देउराली पिपरा, वंगलामुखी मन्दिर, मधुवनधाम, लक्ष्मणमघाट, रामदतिवन, कपिलधाम, बालाकण्ठ, पिपराको प्रकटेश्वर, उप्टहवाको छापेढुङगा, वैरियाको शिवालय मन्दिर आदिबारे रहेका किंवदन्ती, ऐतिहासिक पृष्ठभूमि र लुकेर रहेको विषयबस्तुहरुको बारेमा फोटो प्रदर्शनीका माध्यमबाट जानकारी दिइने आयोजकले जनाएको छ ।
ब्यासाचार्य एवम् कथा वाचक भुवन गुरुले बिभिन्न कुलत तथा दुव्र्यसनमा फसका व्यक्तिलाई मुण्डन गरी कर्ताको रुपमा राखिएको हुँदा यसले तिनलाई पुर्नस्थापित जीवन बाँच्न निकै सहज हुने रेडियो मायादेवीलाई जानकारी दिनुभयो ।
मुलुकमा नैतिकता, मानवीयता शुन्य भएका कारण दैनिक रुपमा युवायुवती पथभ्रष्ट भएको भन्दै यसले महिला हिंसा र बलात्कारजन्य घटना न्यूनिकरण गर्न भूमिका खेल्ने गुरुले बताउनुभयो । कार्यक्रममा धन दान अनिवार्य नगरिए पनि स्तस्फुर्त सहयोग भने गर्न सकिने आयोजकले जनाएको छ ।
मंसिर १० गतेसम्म सञ्चालन हुने आनन्द उत्सवमा हरेक दिन साँझ भजन कन्सर्ट हुने छ । जुन नेपालमै पहिलो रहेको आयोजकको दाबी छ । म्युजिक थेरापीको माध्यमबाट युवायुवतीलाई नैतिकवान बनाउन भजन कन्सर्ट आयोजना गरिएको हो ।
कार्यक्रमलाई भक्ति दर्शन टेलिभिजन काठमाण्डौँ र न्यूज २४ टेलिभिजनले छायाँकन गरी संसारभर प्रसारण गर्ने छन् भने प्रदेश मिडिया पार्टनरको रुपमा सामुदायिक रेडियो मायादेवी र मायादेवी अनलाइन डट कम रहेको मिडिया संयोजक चन्द्रकान्त न्यौपानेले जानकारी दिनुभयो ।
यसैबीच सोमबारबाट नै लागु पदार्थ दुव्र्यसनरिुद्ध हस्ताक्षर संकलन सुरु हुने बताइएको छ । बाणगंगा नगरलाई बि सं २०८० सालभित्र दुव्र्यसनरहित बनाउनको लागि हस्ताक्षर संकलन गरिने आयोजकले जनाएको छ ।
कार्यक्रम स्थलमा यो अभियानमा मेरो पूर्ण प्रतिवद्धता छ भन्ने प्लेक्स ब्यानर हुने छ र त्यसमा हस्ताक्षर गर्न सकने छ । पछिल्लो समय बाणगंगा नगरमा लागु औषध प्रयोगकर्ताको संख्या बढेको भन्दै यसको न्यूनिकरणको लागि सो अभियान सुरु गरिएकाले कार्यक्रम अवलोकन गर्नेहरुलाई अनिवार्य रुपमा हस्ताक्षर गर्न बाणगंगा नगरले अनुरोध गरेको छ ।