कपिलवस्तु नगरपालिकामा बेवारिसे शव फेला

कपिलवस्तु ।
कपिलवस्तुमा एक वेवारिसे शव फेला परेको छ । कपिलवस्तु नगरपालिका वडा नम्बर ६ अन्तर्गत निगालीकोट र थुम्हवाको बीचमा आइतबार बिहानै शव भेटिएको हो ।
मृतकको पहिचान खुल्न नसकेको जिल्ला प्रहरी कार्यालय कपिलवस्तुका प्रहरी नायब उपरीक्षक रवि रावलले जानकारी दिनुभएको छ । रावलका अनुसार, मृतक अन्दाजी ६५ वर्षका छन् ।
स्थानीयले शव देखे पछि प्रहरीलाई खबर गरेका थिए । खबर पाए लगत्तै प्रहरी घटनास्थल पुगेको थियो । अहिले उक्त शव हेर्न स्थानीयको घुइचो लागेको छ ।