बुटवल हर्न निषेधित क्षेत्र घोषणा

बुटवल ।
प्रदेश ५ को राजधानी बुटवलको शहरभर हर्न निषेधित क्षेत्र घोषणा गरिएको छ । शनिबारदेखि बुटवललाई हर्न निषेधित शहर घोषण गरिएको हो । ठुला वा साना सवारी साधनले हर्न बजाउँदा ध्वनी प्रदूषण भएकाले हर्न निषेधित क्षेत्र घोषणा गर्नु परेको प्रदेश नम्बर ५ का वरिष्ठ प्रहरी उपरिक्षक नर बहादुर केसीले बताउनुभयो ।
बुटवल उपमहानगर र ट्राफिक प्रहरी कार्यालय प्रदेश ५ को संयुक्त प्रयासमा पहिलो चरणमा बुटवललाई हर्न निषेधित क्षेत्र घोषणा गरिएको ट्राफिक प्रहरी कार्यालय प्रदेश नम्बर ५का प्रमुख प्रहरी उपरिक्षक गणेश चन्दले बताउनुभयो ।
बुटवलको तिनाउ पुल देखि गोलपार्क, राजमार्ग चौराह हुदै वेसक्याम सम्मको नगरको एरियामा शनिवार देखि हर्न निषेधित क्षेत्र घोषणा गरिएको हो । एक महिना सचेतना अभियान चलाइनेछ भने त्यसपछि अटेर गर्नेलाई कारवाही गरिने छ ।
प्रदेश ५ ट्राफिक प्रहरी कार्यालय बुटवलका प्रहरी प्रमुख प्रहरी उपरिक्षक गणेश चन्दले स्थानीय सरकारसँग समन्वय गरि अभियानलाई तिव्रता दिइने जानकारी दिनुभयो ।