२८ हजार अमेरिकी डलरसहित दुई जना पक्राउ

रसुवा ।
२८ हजार ६ सय अमेरिकी डलरसहित दुई जना पक्राउ परेका छन । काठमाडौंबाट रसुवागढी जाँदै गरेको बा १ य १४४६ नम्बरको स्कार्पियो चेकको क्रममा उनीहरू पक्राउ परेका हुन ।
पक्राउ पर्नेमा चितवन जिल्लाको रत्ननगर नगरपालिका–७, टाँडीका ५३ वर्षीय श्रीराम चौधरी र रौतहट जिल्लाको गुजरा नगरपालिका–९, सिम्म्रा भवानीपुरका ३२ वर्षीय विकासप्रसाद चौधरी रहेका छन ।
उनीहरुलाई गोसाइँकुण्ड गाउँपालिका–६, त्रिशुली खोलाबाट आज बिहान ८।४५ बजे पक्राउ गरिएको प्रहरीले जनाएको छ । पक्राउ परेका दुवै जनालाई राजश्व अनुसन्धानमा बुझाइने प्रहरी नायव उपरीक्षक सन्तोष तामाङले बताउनुभयो ।