यशोधरामा ‘साझा विकास सबैको सहकार्य’ कार्यक्रम सञ्चालन

अजय मिश्र, कपिलवस्तु ।
भारतीय सिमा संग जोडिएको यशोधरा गाउँपालिकामा साझा विकास सबैको सहकार्य कार्यक्रम सञ्चालन भएको छ । गाउँपालिकाका ८ ओटै वडामा सञ्चालन हुने कार्यक्रम अहिले सम्म तीन वडामा सम्पन्न भैसकेको छ । यसरी सम्पन्न हुने वडाहरुमा वडा नं. ५, ७ र ८ रहेका छन ।
यशोधरा गाउँपालिकाको आयोजनामा शुरु भएको कार्यक्रममा गाउँपालिकाबासीले विकासको माग राख्ने गरेका छन भने गाउँपालिकाले विकासमा सबैको साझा सहकार्यको अपेक्षा राखेको छ ।
गाउँपालिकामा भए गरेका विकास निर्माणका काम जनतालाई बुझाउने र जनताका गुनासा सुन्नका लागि यस्तो प्रकारको कार्यक्रम सञ्चालन गरेको गाउँपालिकाले जनाएको छ ।
यो कार्यक्रमले जनता र जनप्रतिनिधि बीचको सम्बन्धमा विस्तार आउने र गाउँठाउँको विकासमा टेवा पुग्ने कार्यक्रमका परिकल्पनाकार मनिष देव मिश्रको विश्वास छ ।