५ वटा चोरीका मोटरसाईकल सहीत एक जना पक्राउ

कपिलवस्तु ।

कपिलवस्तुको कृष्णनगर नगरपालिकाको कुकुरभुकुवा बेगैचा नजिकबाट ५ अबैध मोटरसाईकल सहीत एकजना पक्राउ परेका छन । भारतीय नाकाबाट ती मोटरसाईल  नेपाल भित्राईएका थिए । भारतको शान्ता क्रसका २५ बर्षे मोहोम्मद क्याफलाई पक्राउ गरिएको प्रहरी नायब उपरिक्षक रबि रावलले बताउनुभयो ।

भारतीय नम्बर प्लेट रहेको २ वटा हिरो होन्डा, एक बुलेट, एक आपची र एक बजाज कम्पनीको मोटरसाईकल बरामद गरिएको रावलले बताउनुभयो । क्याफलाई पक्राउ गरिए पछि अन्य ब्यक्ति भने फरार भएका थिए । उनीहरुको समेत खोजी कार्य भईरहेको रावलले बताउनुभयो ।

पक्राउ गरिएको मोटरसाईकल भारतको बिभिन्न स्थानबाट चोरी गरी ल्याईएको प्रहरी श्रोतले जनाएको छ । ५ वटा मोटरसाईकलको मुल्य ६ लाख ६५ हजार कायम गरी भन्सार चलान गरिएको रावलले बताउनुभयो ।