अमेरिकी लेखक स्ट्यान लीको निधन

एजेन्सी ।
अमेरिकी लेखक स्ट्यान लीको निधन भएको छ । मार्भल कमिक्सका पूर्व अध्यक्ष समेत रहेका लेखक लीको ९५ वर्षको उमेरमा निधन भएको हो । उनको स्थानीय समय अनुसार सोमबार बिहानै लस एन्जलसमा रहेको सिडर–साइनाई मेडिकल सेन्टरमा निधन भएको उनको पारिवारिक स्रोतलाई उद्धृत गर्दै अन्राष्ट्रिय संचारमाध्यमले जनाएकाछन् । उनी अमेरिकाका लेजेण्ड लेखक, प्रकाशक तथा सम्पादक हुन् ।

जीवन्त कमिक क्यारेक्टर सिर्जना गरेका लीलाई विश्वभरका कमिक बुक लभरले मनपराउँछन् । उनले सिर्जना गरेका धेरै पात्रहरु हलिउडका सफल पात्रा र चलचित्र बनेका छन् । स्पाइडर–म्यान, द इनक्रेडेबल हल्क, ब्ल्याक प्यान्थर, द एक्स–म्यान, द माइटी थोर, आइरन म्यानसहितका जीवन्त पात्रको सिर्जना गरेका हुन् ।