ग्यास बुलेट दुर्घटना, सडकमा हिँडिरहेका आमा छोरीको मृत्यु

धादिङ ।

धादिङको बेनिघाट रोराङ गाउँपालिका ५ विशालटारमा ग्यास बुलेटको ठक्करबाट दुईजनाको मृत्यु भएको छ। मृत्यु हुनेहरू आमा छोरी हुन्।

आइतबार दिउसो १२ बजे सडकमा हिँडिरहेका गीता नेपाली ९३५० र सुनिता नेपाली ९१९० को ग्यास बुलेटको ठक्करबाट मृत्यु भएको प्रहरीले जनाएको छ । गीता बेनीघाट रुराङ गाउँपालिका वडा नम्बर ५ की वडा सदस्य हुन्।

उनीहरूलाई ठक्कर दिएको बुलेट पनि सडकबाट १० मिटर तल खसेको छ। बुलेटका चालक र सहचालक भने सकुशल छन ।

बुलेट पल्टिएलगत्तै ग्यास लिक भएको थियो । दुर्घटनाग्रस्त बुलेटमा आगलागी हुन नदिन दमकलले पानी छ्यापेको थियो । स्थानीय ग्यास स्टेसनका प्राविधिकहरूले बुलेट सिल गरेका थिए । अहिले पनि दमकल घटनास्थलमै छ ।