गाडीको ठक्करबाट भैलो खेल्न जाँदै गर्दा मोतिपुरमा दुई जना घाइते

बाबुराम रायमाझी, वाणगंगा ।
कपिलवस्तुको बनगाई–मोतिपुर सडकखण्डमा गाडीको ठक्करबाट दुई जना घाइते भएका छन । बुधबार साँझ ८ वजेको समयमा बनगाई देखि मोतिपुरतर्फ तिब्र गतिमा गईरहेको बा. १३ च ९०८१ नम्बरको स्कार्पियो जीपले देउँसी भैलो खेल्न गईरहेका वाणगंगा नगरपालिका वडा न. ८ मधुवन निवासी वर्ष २१ का ईन्द्रजित श्रेष्ठ, वर्ष १८ का वसन्त ढकाललाई ठक्कर दिँदा दुवै जना घाइते भएका हुन । उनीहरुलाई चारन.स्थित सामुदायिक अस्पतालमा लगिएर उपचार गरिएको थियो ।
गाडी अनियन्त्रित भई मूल बाटोबाट खेतमा पुगेको छ । सो गाडी चालकले मादक पदार्थ सेवन गरी चलाएको बुझिएको छ । सो गाडी प्रहरीको नियन्त्रणमा रहेको ईलाका प्रहरी कार्यालय पिपराले जनाएको छ ।