सामाजिक विकास मञ्चमा नयाँ नेतृत्व चयन

दिपक खड्का, चन्द्रौटा । 

कपिलवस्तु पश्चिम क्षेत्रमा रही सामाजिक अभियानको गतिविधि संचालन गर्दै आएको सामाजिक विकास मंचले नयाँ नेतृत्व चयन गरेको छ । मञ्चको पाँचौ साधारणसभा तथा दोस्रो अधिवेशनले नयाँ नेतृत्व चयन गरेको हो ।

जसको अध्यक्षमा विष्णु प्रसाद खतिवडा चयन हुनुभएको छ । यस्तै उपाध्यक्षमा विष्णु प्रसाद अधिकारी, सचिवमा देवी प्रसाद बेल्वासे र सह सचिवमा राम प्रसाद पौडेल चयन हुनुभएको छ ।

अधिवेशनमा शुभकामना मन्तव्य राख्दै प्रदेश सभा सदस्य अर्जुन बहादुर के.सी ले संस्थाले गरेको कामको प्रशंसा गदै नयाँ चयन भएको समितिलाई बधाई तथा शुभकामना दिनु भएको थियो । संस्थाका अध्यक्ष नेत्रराज अधिकारीको अध्यक्षतामा भएको कार्यक्रममा शिवराज नगरपालिकाका उप प्रमुख शिवकुमारी थारु, व्यापार संघ कपिलवस्तुका अध्यक्ष महादेव पोखरेल लगायतको आतिथ्यता रहेको थियो ।