फाइनल आज, को बन्ला पहिलो मिस ग्ल्यामर कपिलवस्तु ? (फोटो फिचर)

चन्द्रकान्त न्यौपाने, कपिलवस्तु  ।
मिस ग्लामर कपिलवस्तुको ग्राण्ड फिनाले आज हुँदै छ । अडिसनबाट छनोट भएर आएका उत्कृष्ट प्रतिस्पर्धीबाट एक जना आज पहिलो मिस ग्ल्यामर कपिलवस्तु हुने छन् । सिद्धार्थ क्याम्पस, कपिलवस्तुमा साँझ ४ः०० बजेपछि हुने फाइनलमा ३० जनाबाट छानिएर आएका १२ जनाले प्रतिस्पर्धा गर्ने छन् ।

फाइनल प्रतिस्पर्धाको लागि ममता विश्वकर्मा, रजनी खड्का, विनिता घिमिरिे, सरस्वती चौधरी, सिमा राना, निशा थापा मगर, अंजना भुषाल, संगिता थापा, सिमा चौधरी, एलिसा भण्डारी र रोजी थारु रहेका छन् ।
यी मध्ये सरस्वती चौधरी रेडिया मायादेवी १०६ थोप्लो १ मेगाहर्जकी कार्यक्रम प्रस्तोता हुन् । उनले रेडियोमा थारु चित्रण कार्यक्रम संचालन गर्दै आएकी छन् ।

फ्लाशब्याक युथस क्लब अफ बुटलको आयोजना तथा एसपिएम क्रियसनको सह–आयोजनामा हुन फाइनलमा बिभिन्न कलाकारले आफ्नो प्रस्तुति देखाउने आयोजक रोहन ध्वजूले जानकारी दिनु भयो । प्रतियोगिताको विजेता र उपविजेताले नगद पुरस्कारसहति बिभिन्न उपहारहरु प्राप्त गर्न सक्नेछन् ।

कपिलवस्तुमा रहेका युवतीहरुको अन्तरनिहित प्रतिभाहरुको प्रस्फुटन गरी उनीहरुको मोडलिङमा लाग्ने चाहना पुरा गर्नका कार्यक्रम आयोजना गरिएको प्रतियोगिताका निर्देशक बिनेश पौडेलले रेडियो मायादेवीलाई जानकारी दिनु भयो । उक्त प्रतियोगितामा मोनिका भण्डारीको कोरियोग्राफि रहनेछ । अन्तिम प्रतियोगितामा १२ जना प्रतिस्पर्धीहरुले भाग लिँदै छन् ।प्रतियोगिताको पहिलो अडिसन असोज ३० गते र दोस्रो अडिसन कार्तिक ६ गते भएको थियो ।