३ दिने आधारभुत लेखा तालिम सम्पन्न

दीपा महत, कपिलवस्तु ।
सिद्धार्थ क्याम्पस वाणगंगा बुंचीमा संचालित ३ दिने आधारभुत लेखा तालिमको समापन गरिएको छ । विद्यार्थीको ब्यवहारिक सीप र दक्षता वृद्धी गर्ने उद्देश्यका साथ ब्यवस्थापन संकायका विभिन्न तहमा अध्ययनरत विद्यार्थीलाई उक्त तालिम दिईएको हो । समापन कार्यक्रम क्याम्पसका उपाध्यक्ष रवि बहादुर काफ्लेको प्रमुख आतिथ्यता, क्याम्पस प्रमुख बालाराम ज्ञवाली र प्रध्यापक गोविन्द प्रसाद पोख्रेलको विशिष्ट आतिथ्यतामा भएको हो ।
कार्यक्रममा विद्यार्थी विवेक खड्काले सहभागिको तर्फबाट बोल्दै तालिममा आफुहरुमा परिवर्तन आएको बताउनुभयो ।
उपप्रध्यापक तथा ब्यवस्थापन संकायका प्रमुख कमल पोख्रेलको अध्यक्षतामा भएको कार्यक्रमको सञ्चालन सञ्जय नेपाल तथा ईन्द्रमणी पौडेलले गर्नुभएको हो ।