मायादेवी अनलाइन, कपिलवस्तु ।
नेपाली कांग्रेसका विभिन्न समितिले वडा दशै, शुभ दिपावली, छठ र नेपाल सम्वतको अवसरमा शुभकामना आदान प्रदान तथा चियापान कार्यक्रम सम्पन्न गरेका छन । बुद्धभूमि नगर समितिले गोरुसिंगे स्थित थारुकल्याणकारी समितिको हलमा कार्यक्रम सम्पन्न गरेको छ ।
सो अवसरमा नेपाली कांग्रेसका जिल्ला सभापति एवं पुर्व सिंचाई राज्यमन्त्री सुरेन्द्रराज आचार्य, पुर्व सांसद विष्णुराज आचार्य, बुद्धभूमि नगरपालिकाका नगर प्रमुख कशव कुमार श्रेष्ठ लगायत नगरमा अवस्थित विभिन्न कार्यालयका प्रमुख तथा प्रतिनिधीहरुको उपस्थित रहेको थियो । नगर सभापति हिमलाल न्यौपानेको सभापतित्वमा कार्यक्रम सम्पन्न भएको हो ।
नगर क्षेत्रमा एक आपसमा मेलमिलाप तथा एकतको लागी चियापान तथा शुभकामना आदानप्रदान गरिएको नेता माधव दोमासेले बताए । एक आपसमा शुभकामना आदान प्रदान तथा चियापान गरी कार्यक्रम सम्पन्न गरिएको थियो । सो अवसरमा हजारौ कार्यकर्ताहरुको उपस्थित रहेको नेपाली कांग्रेस बुद्धभूमि नगर समितिले जनाएको छ ।
उता साविक तिर्तिर्खी गाविस यशोधरा गाउंपालिका वडा नं १ इकाई समितिले समेत वडा दशै, दिपावली, छठ र नेपाल सम्वत को अवसरमा शुभकामना आदान प्रदान तथा चियापान कार्यक्रम सम्पन्न छ ।
इकाइ सभापति कल्लु गद्धिको अध्यक्षतामा सम्पन्न कार्यक्रममा नेपाली कांग्रेसका जिल्ला सभापति एवं पुर्व सिंचाई राज्य मन्त्री सुरेन्द्रराज आर्चाय, पुर्व पाटी सभापति सुधाकर पाण्डेय, यशोधरा गाउंपालिकाका प्रमुख गिरिजेश कुमार पाण्डेय, जिल्ला सदस्य माधव पराजुली, ओम प्रकाश गुप्ता, यशोधरा गाउंपालिकाका कार्यपालिका सदस्य सौकिलाल वढई लगायतले शुभकामना दिएका थिए ।
राम चौधरीको स्वागत र शिवमगन चौधरीको संचालनमा कार्यक्रम सम्पन्न भएको थियो । त्यस्तै महाराजगञ्ज नगर समिति तथा पटनाले समेत कार्यक्रम सम्पन्न गरेको जनाइएको छ ।
प्रतिक्रिया