काठमाडौं ।
काठमाडौंमा नयाँ शक्ति पार्टीको १५ औं संघीय बैठक सुरु भएको छ । बैठकको पार्टी संयोजक डा. बाबुराम भट्टराईले उद्घाटन गर्नु भएको छ । बैठक उद्धघाटन गर्दै
पूर्व प्रधानमन्त्री डा। भट्टराईले सरकारविरुद्ध सडक संघर्ष गर्ने चेतावनी दिनु भएको छ ।संयोजक भट्टराईले भ्रष्टाचार एवम महिला हत्या, हिंसा, बलात्कार लगायतका घटना नियन्त्रण गर्न नसकेको भन्दै सरकारविरुद्ध सडक संघर्ष गर्ने चेतावनी दिनु भएको हो । उहाँले पुराना शक्तिलाई विस्थापित गरेर मुलुकलाई सही बाटोमा अघि बढाउन पार्टीको बैठकले महत्वपूर्ण निर्णय लिने दाबी समेत गर्नुभयो ।
बैठकमा संयोजक भट्टराईले पेश गर्नु भएको राजनीतिक प्रतिवेदनमा सरकार नागरिकको अपेक्षा अनुसार काम गर्न असफल भएको उल्लेख गरिएको छ । लोकतन्त्रका मूल्यरमान्यता विपरितका गतिविधिमा सरकार संलग्न रहेकोे दाबी गर्दै नयाँ शक्ति पार्टी, नेपालले त्यसका विरुद्ध आन्दोलनमा सहभागी हुन पनि पार्टीका नेता, कार्यकर्तालाई आह्वान गरेको छ ।
२ दिनसम्म चल्ने बैठकले पार्टीको भावी नीति तय गर्ने नयाँ शक्ति पार्टी, नेपालले जनाएको छ । संयोजक भट्टराईले बैठकमा पार्टीको विगतका कामको समिक्षा हुने पनि जानकारी दिनुभयो ।
प्रतिक्रिया