आठौ कपिलवस्तु डान्स आइडलका लागि खुल्यो फारम, भोर्ने होइन ?

मायादेवी अनलाइन, कपिलवस्तु ।
१० औं कपिलवस्तु महोत्सवमा सञ्चालन हुने ८ औं कपिलवस्तु डान्स आइडलको अडिसनको लागि फारम खुल्ला भएको छ । आगामी मंसिर १८ गतेदेखि पुस १ गतसम्म हुने महोत्सवबाट नृत्य क्षेत्रमा लुकेका प्रतिभालाई राष्ट्रिय स्तरसम्म पुर्याउनको लागि डान्स आइडल आयोजना गरिएको आयोजक कपिलवस्तु उद्योग बाणिज्य संघले जनाएको छ ।
। आइडलका संयोजक विरेन्द्र खाँणका अनुसार डान्स आइडलको फारम विहान १० बजे देखि साझँ ५ बजे सम्म कपिलवस्तु उद्योग वाणिज्य संघको कार्यालयमा खुल्ला गरिएको छ । त्यससको लागि इच्छुकले २ प्रति पासपोर्ड साइजको फोटोसहित दुई सय रुपैयाँ दस्तुर तिरी मंसिर ४ गतेसम्म फारम भर्न सक्ने छन् ।
यस बर्ष डान्स आइडलको प्रथम विजेताले टिभिएसको मोटरसाइकल वा स्कुटर पाउने छन् । महोत्सवमा सञ्चालन हुने यो आइडल सबैभन्दा चर्चित र महोत्सवको आकर्षण हो । यस प्रतियोगितामा सहभागि भएर थुप्रै कलाकारले आफ्नो भविष्य निर्माण गरिसकेका छन् ।