कपिलवस्तुको गोरुसिंगे जंगलमा टिप्पर र बस ठोक्किए, दर्जन बढी घाइते 

कपिलवस्तु ।

कपिलवस्तुमा आज दिउँसो भयानक दुर्घटना भएको छ । गोरुसिंगेमा जङ्गलमा टिप्पर र बस एक आपसमा ठोक्किँदा दर्जन बढी घाइते भएका छन् । केहीको अवस्था गम्भिर रहेको छ । सामाजिक सञ्जालमा केहीको मृत्यु भनेर आए पनि प्रहरीका अनुसार अहिलेसम्म एकजनाको पनि मृत्यु भएको छैन ।

दाङबाट  बुटवल आउँदै गरेको ना ६ ख २५०० नम्बरको बस र विपरित दिशामा गुड्दै गरेको टिप्पर दिउँसो साढे २ बजे एक आपसमा ठोक्किएका थिए ।  दुर्घटना पछि केहिबेर सडक अबरुद्ध भएको थियो । अवरुद्ध सडक अहिले एकतर्फी संचालनमा आएको ईलाका प्रहरी कार्यालय गोरुसिंगेले जनाएको छ ।

घाईते सबैको विभिन्न अस्पतालमा उपचार भैरहेको बताईएको छ । टिप्परले ठक्कर दिएपछि बसको अगाडीको भागमा पुरै क्षति भएको छ । क्षतिग्रस्त बसको तस्विरलाई हेर्दा टिप्परले ठक्कर दिएर बसलाई पछाडीसम्म पुर्याएको देखिन्छ । घटनाको विस्तृत विवरण आउन बाकी छ । अहिले घटनास्थलमा प्रहरी र स्थानीयवासीको भीँड रहेको छ ।