पूर्व अर्थमन्त्री श्रेष्ठको निधन

ललितपुर । पूर्व अर्थमन्त्री डा.बद्री प्रसाद श्रेष्ठको निधन भएको छ। जापानका लागि पूर्व राजदूत, राष्ट्रिय योजना आयोगका उपाध्यक्ष समेत भइसकेको श्रेष्ठको बिहान २ः ५१ बजे ललितपुरको निदान अस्पतालमा निधन भएको हो।

राजा ज्ञानेन्द्रको प्रत्यक्ष शासनकालमा अर्थमन्त्री जिम्मेवारी सम्हालेका श्रेष्ठ अर्थमन्त्री हुनुभन्दा पहिले प्राध्यापन सेवामा हुनुहुन्थ्यो।

उहाका श्रीमती ,छोरा र दुई छोरी छन्। उहाको पार्थिव शरीरलाई अहिले नर्भिक अस्पतालमा राखिएको छ। दिवंगत श्रेष्ठको बुधवार पशुपती आर्यघाटमा दाहसंस्कार गरिने पारिवारिक श्रोतले जनाएको छ।