कपिलवस्तुमा बालिका करणी गर्न खोज्ने एक युवक पक्राउ

मायादेवी अनलाइन, कपिलवस्तु ।
कपिलवस्तु जिल्लाको यशोधरा गाउँपालिकामा बालिका करणी गर्न खोज्ने एक युवक पक्राउ परेका छन् । यशोधरा ८ मधुनगरा स्थित एक १३ बर्षिया बालिकालाई जबरजस्ती करणीको प्रयास गरेको उजुरीको अधारमा प्रहरीले यशोधरा गाउँपालिका– ४ अम्लोनहाका २३ बर्षे लक्ष्मण पासीलाई पक्रेको हो ।
पासीले कोठामा पसेर बालिकालाई जबरजस्ती करणीको प्रयास गरेको प्रहरीले बताएको छ । प्रहरीले यो घटनालाई गोप्य राखे पनि पीडीत परिवारले संचारकर्मीलाई जानकारी गराए पछि यो घटना बाहिर आएको हो ।
गत असोज ३१ गते राति आफ्नो मामा घर मुधनगर गएका बेला पीडीत बालिकाको मुख थुनेर करणीको प्रयास गरेपछि पीडीत बालिका उम्केर होहल्ला गरेकी थिईन । हार गुहार र हल्ला गरेपछि गाउलेहरुले लक्ष्मणलाई नियन्त्रणमा लिई कटुपीट समेत गरेका थिए ।
पीडीतको बुवाले लक्ष्मण बिरुद्ध किटानी जाहरी दिए पछि लक्ष्मण बिरुद्ध जरबस्तीकरणी उद्योगको मुद्दा दर्ता गरिएको प्रहरी नायब उपरिक्षक रबि रावलले बताउनुभयो ।