प्रदेश स्तरीय क्रिकेट : आज दुई खेल हुँदै, पहिलो खेलमा राजपुर र ठाकुरापुर भिड्दै

मायादेवी अनलाइन, वाणगंगा ।

कपिलवस्तुको वाणगंगा ८ मायादेवी रंगशालामा शुरु भएको प्रदेश स्तरीय खुल्ला नकआउट प्रतियोगितामा आज दुई खेल हुँदै छन । प्रतियोगीता अन्तर्रगत पहिलो खेलमा राजपुर क्रिकेट क्लव र नव प्रभात क्रिकेट क्लव ठाकुरापुर भिड्दैछन । खेल विहान ८ः३० बजे शुरु हुने छ ।

यस्तै दोस्रो खेल दिउँसो १ बजे हुने छ । जसमा जिनुवा क्रिकेट क्लब र गोरुसिङ्गे क्रिकेट क्लव बीच प्रतिष्प्रर्धा हुने छ ।

प्रतियोगीतामा २८ टिमको सहभागीता रहेको छ । विहीबार भएको उद्घाटन खेलमा कपिलवस्तु ट्रेनिङ सेन्टर तौलिहवाले विजयी सुरुवात गरेको छ । उद्घटन खेलमा कपिलवस्तु ट्रेनिङ सेन्टर तौलिहवाले जितगढी क्रिकेट क्लव बुटवललाई १२७ रनले पराजित गरी विजयी सुरुवात गरेको हो । कपिलवस्तु ट्रेनिङ सेन्टरले २२६ रनको लक्ष्य प्रस्तुत गरेकोमा जितगढी क्रिकेट क्लव १४.५ ओभरमा ९९ रनमै सिमित भयो ।

कपिलवस्तु ट्रेनिङका खेलाडी विशाल गौड म्यान अफ द म्याच घोषित भएका छन् । उनले ६४ रन प्राप्त गरे । खेलमा प्रथम हुनेले रु १ लाख १ हजार शिल्ड तथा प्रमाणपत्र, द्धितीय हुनेले रु ५१ हजार शिल्ड तथा प्रमाणपत्र, तृतीय हुनेले रु १५ हजार शिल्ड तथा प्रमाणपत्र र सान्त्वना हुनेले रु ५ हजार शिल्ड तथा प्रमाण पत्र पुरस्कार प्राप्त गर्ने छन् ।

प्रतियोगिताको प्रथम पुरस्कार सौजन्य सिद्धार्थ गौतमबुद्ध ओभरसिजका संचालक तथा समाजसेवी कृष्ण कुँवरले गरेका छन् ।