विहे भएको ११ दिनमै स्कुटर दुर्घटनामा श्रीमतीको मृत्यु, श्रीमान घाइते !

स्याङ्जा ।
स्याङ्जामा स्कुटर दुर्घटना हुँदा एकजनाको मृत्यु भएको छ । अर्का एकजना घाइते भएका छन् । मृत्यु हुनेमा गुल्मीको मालिका गाउँपालिका १ नेटाका २१ वर्षीया रूपा थापामगर रहेको गल्याङ प्रहरी चौकीका प्रमुख तथा प्रहरी निरीक्षक जनक रेग्मीले बताउनुभयो । उहाका अनुसार थापाको लुम्बिनी मेडिकल कलेज प्रभास पाल्पामा उपचारको क्रममा मृत्यु भएको हो ।
घाइते हुनेमा मृतक थापाका श्रीमान २७ वर्षीय महेश पुन रहनुभएको छ । थापाको अवस्था सामान्य रहेको र अहिले लुम्बिनी मेडिकल कलेज प्रभासमा उपचार भइरहेको प्रहरी निरीक्षक रेग्मीले बताउनुभयो ।
स्कुटरमा सवार दुइजना श्रीमान श्रीमती हुनुहुथ्यो । उहाहरुको ११ दिन अघि मात्र विवाह भएको थियो । स्याङ्जाको कालिगण्डकी गाउँपालिका ४ विर्घा्स्थित माइतीघरमा बिहेको दुरन फर्काएर गुल्मी घर फर्कने क्रममा स्याङ्जाको मालुङ्गा नजिकै उहाहरू सवार लु ३७ प ३०९० नम्बरको स्कुटरलाई र विपरीत दिशाबाट आइरहेको लु १ च ७२५६ नम्बरको जिपले ठक्कर दिएको हो । मृतक रूपा थापामगर मगर विद्यार्थी संघ पाल्पाको पूर्वअध्यक्षसमेत हुनुहुन्थ्यो ।