किन भए पाँच महिना मै प्रहरी एसपी यादव सुर्खेत सरुवा ? नयाँ एसपीको रुपमा पुडासैनी आउँदै

मायादेवी अनलाइन, कपिलवस्तु ।

प्रहरी प्रधान कार्यालयले जिल्ला प्रहरी कार्यालय कपिलवस्तुका एसपी मनोज यादबलाई हटाएको छ । पाँच महिना अघि जिल्लाको प्रहरी नेतृत्व सम्हाल्न आउनुभएका एसपी यादवलाई प्रहरी प्रधान कार्यालयले हटाएको हो । उहालाई प्रदेश नं. ६ को प्रहरी कार्यालयमा काजमा खटाएको बताइएको छ ।

पाच महिना जिल्लामा रहेर एसपी यादवले चोरी तस्करी नियन्त्रणमा प्रभावकारी भूमिका खेल्नुभएको थियो । सिमानाकाको कडाईले उहाले करोडौको राजश्व उठान सफल हुनुभएको थियो । यद्यपि उहाँलाई कार्य सम्पादन राम्रो नभएको भन्दै प्रहरी प्रधान कार्यालयले जिल्लाबाट हटाएको चर्चा चलेको छ ।

प्रहरी यादव जिल्लाबाट विदाई भए संगै कपिलवस्तुको प्रहरी नेतृत्व सम्हाल्न एसपी अच्युततम पुडासैनी आउनुहुने भएको छ । प्रहरी प्रधान कार्यालय नक्सालमा कार्यरत पुडासैनी कपिलवस्तु आउन थाल्नुभएको हो ।