कृष्णनगरको दशगजामा बृहत सरसफाई

अजय मिश्र, कपिलबस्तु ।
कृष्णनगरको दशगजा क्षेत्रमा आइतबार सरसफाई गरिएको छ । लामो समय देखि दुर्गन्धित बनेको दशगजा क्षेत्रलाई सरसफाई गरिएको हो । कृष्णनगर नगरपालिकाको सहयो र नेपाल भारत मैत्री सरसफाई अभियान, नेपाल राष्ट्रिय भुतपूर्व सैनिक संघ कपिलवस्तुका लगायतका संघ संस्था र स्थानीयबासीको सक्रियतामा आइतबार सरसफाई गरिएको हो ।
सरसफाई अभियानमा जिल्ला प्रशासन कार्यालय, जिल्ला प्रहरी कार्यालय, सशस्त्र प्रहरी कार्यालय लगायतका विशिष्ट व्यक्तिहरुको उपस्थिती रहेको थियो ।
सरसफाई सबैको साझा दायित्व हो भन्ने भावनाको बोध गराउन दशगजा क्षेत्रमा सरसफाईको अभियान थालिएको कृष्णनगर नगरपालिकाका नगर प्रमुख रजत प्रताप शाहले बताउनुभयो । सरसफाई अभियानमा बजारबासीले पनि साथ दिएका थिए ।
यस्तै सरसफाई अभियानमा कृष्णनगर नगरपालिकाका जनप्रतिनिधि, शिवराज नगरपालिकाका नगर प्रमुख, कृष्णनगर उद्योग वाणिज्य संघ, प्रहरी जवान र बजारबासीको पनि साथ रहेको बताइएको छ ।
सरसफाई अभियान्ताहरुले दशगजा क्षेत्रमा रहेका प्लास्टिक, कागज, काठका टुक्रा लगायतका फोहर बस्तुलाई जम्मा गरी नष्ट गरेका थिए ।