समता स्कुलको नतिजा सहित शुभकामना साटासाट

मायादेवी अनलाइन कपिलवस्तु ।
वाणगंगा नगरपालिका वडा नम्बर ४ स्थित समता स्कुलले विजयादशमी, शुभ दिपावली तथा छठ पर्वको अवसरमा शुभकामना आदान प्रदान कार्यक्रम सम्पन्न गरेको छ । समता स्कुलले अभिभावक तथा विद्यार्थी बीच नजिकिदै गरेको चाडपर्वहरुको अवसरमा एक आपसका शुभकामना आदान प्रदान गरेको हो । गतवर्षदेखि कपिलवस्तुको वाणगंगा नगरपालिका चारनम्बर सिद्धिपुरमा संचालित समता स्कुलले एकसय रुपैयामै अग्रेजी माध्यममा गुणस्तरीय शिक्षा प्रदान गर्दै आएको छ ।
समता स्कुलका जेष्ठ अभिभावकद्धारा विद्यालयमा अध्ययरत विद्यार्थीलाई टिका तथा आर्शिवाद दिदै दशैको शुभकामना साटासाट तथा शैक्षिक प्रगतीको कामना गरिएको विद्यालयले जनाएको छ ।
दशैको खुशीयाली संगै स्कुलले दोश्रो मासिक परिक्षाको नतिजा समेत सोही अवसरमा प्रकाशन गरेको थियो । कार्यक्रममा समता स्कुल प्रदेश ५ का अध्यक्ष अमृत घिमिरे, प्रिन्सिपल सरिता खत्री, सुनिता मगर लगाएतले शुभकामना मन्तब्य दिएका थिए । कार्यक्रममा स्कुलका विद्यार्थीले चाडपर्व विशेष कला तथा नृत्य प्रस्तुत गरेका थिए । समता स्कुल देशभरका ७७ जिल्लामा  तथा मुलुक बाहिर सार्क राष्ट्रहरुमा समेत संचालनमा छ ।