भलवाडमा जारी खेलमा मुहान एफ सी र जिनुवा लिंकन विजयी

मायादेवी अनलाइन, कपिलवस्तु । 

वाणगंगा ९ भलवाडमा जारी जिल्ला स्तरीय फुटवलमा सोमबार मुहान एफ सी र आयोजक जिनुवा लिंकन सोसाइटी विजयी भएका छन् । मुहान एफसीले चन्द्रसूर्य बर्गदहवालाई १ – ० झिनो अन्तरले पारजित गरेको हो । त्यस्तै दोश्रो खेलमा आयोजक जिनुवाले जनप्रिय युवा क्लव पिपरालाई पराजित गरेको छ । उसले टाइब्रेकरमा ४–३ गोलको जित दर्ता गर्यो ।

निर्धारित र थप गरिएको समयमा दुवै तर्फबाट गोल हुन नसकेपछि खेलको निर्णय टाइबेकरबाट लिइएको हो । प्रतियोगिता अन्तर्गत मंगलबार पनि २ खेल हुँदै छन् । पहिलो खेलमा दिउँसो १ बजे आयोजक जिनवा लिंकन ए र सनराइज युवा क्लव मोतीपुर तथा दोश्रो खेलमा साँझ ४ बजे मुहान एफसी र नवप्रतिभा तिनैयाँ आमने सामने गर्ने छन् ।