मुहान कप : आयोजक मुहान एफ सी सेमिफाइलनमा प्रवेश

मायादेवी अनलाइन, कपिलवस्तु ।
आयोजक मुहान एफ सी बाणगंगाा ३ राजापानीमा जारी जिल्लास्तरीय मुहानकप फुटवलको सेमिफाइनलमा प्रवेश गरेको छ । सोमबार भएको तेश्रो क्वाटर फाइनलमा नव प्रभात युवा क्लव ठाकुरापुरलााई ४–० गोल अन्तरको फराकिलो अन्तरले पराजित गरी सेमिफाइनल पुगेको हो ।
मुहानको जितमा सनम मल्लले २ तथा, विवेक मल्ल र राजु सेनले एकएक गोल गरे । हिजोको खेलमा २ गोल गरेका सनम मल्ल म्यान अफ दि म्याच घोषित भए । गोल गर्ने केही सुन्दर मौकाको सदुपयोग गर्न नसक्दा ठाकुरापुर पराजित हुँदै प्रतियोगिताबाट बाहिरिन बाध्य भयो ।
यससंगै सेमिफाइनल पुग्ने तीन टोलीको टुङ्गो लागेको छ । अब अन्तिम सेमिफाइनलिष्ट टोलीको छिनोफानो भने मंगलबारकोे खेलबाट हुने छ । अन्तिम सेमिफाइनलको खेलमा वाणगंगा वेलफेयर सोसाइटी र वर्गदशवा युवा क्लव एक आपसमा भिड्दै छन् ।