हराएकी महिला मृत फेला

शिवलाल सुवेदी, गुल्मी ।
गुल्मीमा पाचँदिन देखि हराएकी एक महिला मृत अवस्थामा फेला परेकी छिन । जिल्लाको गुल्मीदरबार गाउँपालिका–३, कमलपोखरी निवासी ५० वर्षीय सावित्रा मगर मृत अवस्थामा फेला परेकी हुन ।
सावित्राको शव चन्द्रकोट गाउँपालिका–७ स्थित बडिगाढ खोलामा तैरिरहेको अवस्थामा फेला परेको जिल्ला प्रहरी कार्यालय गुल्मीका प्रमुख एसपी दिपक कुमार वस्नेतले जानकारी दिनुभयो । सावित्रा असोज ११ गते छत्रकोट गाउँपालिकामा साथीको घर जाने भन्दै घरबाट हिँडेकी थिइन् ।

साथीको घर नपुगी बेपत्ता भएकी उनको ५ दिनपछि शव फेला परेको आफन्तले जानकारी दिएका हुन । सावित्राको शवलाई पोस्टमार्टमका लागि जिल्ला अस्पताल तम्घासमा राखिएको र घटनाका वारेमा थप अनुसन्धान भइरहेको प्रहरी नायव निरिक्षक शिवबहादुर खत्रीले बताउनुभयो ।