दिन दाहाडै तोडफोड संगै लुटपात गर्ने ९ जना पक्राउ

अराज सिहं बेल्बासे, कपिलबस्तु ।
महाराजगंज नगरपालिका ७ गङगडा गाँउमा बिहीबार दिउँसो एक घरमा चोरी तथा तोडफोड गर्ने ९ जनालाई प्रहरीले पक्राउ गरेको छ । विहीबार दिउसोको समयमा ठुलो संख्यामा पुगेका उनिहरुले घरमा तोडफोड गरि नगद, सुनचाँदी समेत लुटेको पिडित पक्षले बताएका छन ।
महाराजगंज नगरपालिका वडा नम्बर ६ जिग्ना गाँउबाट गएका उनिहरुले, पम्पसेट, भाडाकुडा तथा अन्य सामान र घरमा समेत तोडफोड गर्दा तीन लाख बराबरको क्षति पु¥याएका थिए ।
दुई दिन अघि जिग्नाकि सिला चौधरी उक्त घरका सोयल मुसलवान सँग भागेकोले सिलाका गाँउबाट गएका उनिहरुले तोडफोड गरेको इलाका प्रहरी कार्यलय कृष्णनगरका प्रहरी निरिक्षक सुर्य बहादुर बोगटीले बताउनुभयो । तोडफोडमा संलग्न ९ जना पक्राउ परेको र थप अनुसन्धान जारी रहेको प्रहरी निरिक्षक बोगटीले बताउनु भएको छ ।