बस र ट्रक ठोक्किँदा मृत्यु हुनेको संख्या चार पुग्यो, घाइतेको उपचार जारी

चितवन ।
बस र ट्रक ठोक्किँदा भएको दुर्घटनामा ४ जनाको ज्यान गएको छ । १७ जना घाइते भएका छन् । काठमाडौंबाट काँकडभिट्टाको लागि छुटेको ना ६ ख १७४१ नम्बरको बस र हेटौंडाबाट नारायणगढको लागि छुटेको ना ५ ख ५९ ४१ नम्बरको ट्रक रत्ननगर नगरपालिका १० टाँडीमा ठोक्किँदा ट्रकका चालक रौतहट चन्द्रपुर नगरपालिका २ का ३४ वर्षका मोहन घिसिङ र सहचालक ३० वर्षका बुद्धिमान लामासँगै बसका २ यात्रु काठमाडौं थानकोटका ४८ वर्षका विष्णुप्रसाद थापा र ताप्लेजुङ खुम्लिङ नगरपालिका १ की ४२ वर्षकी तारा बरालको ज्यान गएको प्रहरीले जनाएको छ ।
दुर्घटनामा घाइते भएका १३ जनाको भरतपुर मेडिकल कलेजमा र ४ जनाको चितवन मेडिकल कलेजमा उपचार भइरहेको प्रहरीले जनाएको छ ।