कक्षा १२ मा जिल्ला प्रथम हुने अर्याल सहित तीन विद्यार्थी सम्मानित

मायादेवी अनलाइन, कपिलवस्तु ।
हालै प्रकाशित कक्षा १२ को परिक्षाफलमा जिल्ला प्रथम हुने अरुणा अर्याल सहितका तीन विद्यार्थी मंगलबार सम्मानित भएका छन । सिद्धार्थ क्याम्पसको स्ववियुले जिल्ला प्रथम अर्याल सहित द्धितीय हुने राजन बेल्वासे र तृतीय हुने सविना अर्याललाई सम्मान गरेको हो । स्ववियुले आयोजना गरेको कार्यक्रममा यी विद्यार्थीलाई प्रदेश ५ का सांसद विष्णु पन्थीले सम्मापत्र सहीत दोसल्ला ओढाई सम्मान गर्नुभयो ।
हालै प्रकाशित कक्षा १२ को नतिजामा अंग्रेजी बिषयमा ३.५९ जिपिए ल्याएर अर्याल जिल्ला प्रथम हुनुभएको छ । यो संगै सिद्धार्थ क्याम्पसले जिल्लाभर चर्चा बटुलेको छ । यसअघि पनि क्याम्पसले स्नातक तहमा स्वर्णपदक प्राप्त गर्न सफल भएको थियो ।
क्याम्पसबाट कक्षा १२ को लागि १ सय ६५ विद्यार्थीले परिक्षामा सहभागीता जनाएका थिए । यी विद्यार्थी मध्ये ३२ जना राम्रो नम्वर ल्याएर पास भएको क्याम्पस प्रमुख बालाराम ज्ञवालीले जानकारी दिनुभयो ।