आज हुने भनिएको सिटिइभिटी अन्तर्रगतको पूर्ण शुल्कीय तर्फको प्रवेश परिक्षा स्थगित

मायादेवी अनलाइन, कपिलवस्तु ।
प्राविधिक शिक्षा तथा व्यवसायिक तालिम परिषद् (सिटिइभिटी)ले आज गर्ने भनेको प्रवेश परिक्षा विषेश कारणबस स्थगित गरेको छ । शनिबार गोरखापत्र राष्ट्रिय दैनिकमा प्राविधिक शिक्षा तथा व्यवसायिक तालिम परिषद् परिक्षा नियन्त्रण कार्यालयले एक सुचना जारी गरि परिक्षा स्थगित भएको जनाएको हो ।
शैक्षिक शस्त्र २०७५÷०७६ मा प्राविधिक एसएलसी तहको पूर्ण शुल्कीय तर्फको भर्नाको प्रवेश परिक्षा आज लिइने भनिएको थियो ।

परिक्षा नियन्त्रण कार्यालयले एक सुचना जारी गरेर आजको परिक्षा स्थगित भएको र अर्को सुचना जारी गरेर परिक्षा लिने जनाएको छ । आजको परिक्षा स्थगित हुनु पुगेको प्रति परिक्षा नियन्त्रण कार्यालयले सम्बन्धित शिक्षण संस्था, सरोकारवाला, विद्यार्थी एंव अभिभावकहरु प्रति जानकारी दिदै अर्को मिति तत्काल सार्वजनिक गर्ने जनाएको छ ।