कपिलवस्तुमा ट्रकको ठक्करबाट साईकल यात्रुको मृत्यु

मायादेवी अनलाइन, कपिलवस्तु ।
कपिलवस्तुमा ट्रकको ठक्करबाट एक जनाको ज्यान गएको छ । जिल्लाको वाणगंगा नगरपालिका २ पिपरामा ट्रकले साईकललाई ठक्कर दिदा अन्दाजी ४१ वर्षिय राजेश रानाको ज्यान गएको हो । राजेशलाई उपचारका लागी तौलिहवा अस्पताल लगेपछि डाक्टरले मृत घोषणा गरेको हो । यस्तै साईकलमा सवार अन्दाजी ६० वर्षिय लक्ष्मी राना घाईते हुनुभएको छ । उहाको लुम्बिनी अञ्चल अस्पताल बुटवलमा उपचार भैरहेको ईलाका प्रहरी कार्यलय पिपराका प्रहरी निरिक्षक चन्द्र केसीले जानकारी दिनुभयो । दिउसो १२ बजे पूर्व बाट परिश्चम तर्फ गईरहेको लु २ ख ८५९ नम्बरको ट्रकले सोही दिसा तर्फ जादै गरेको साईकललाई ठक्कर दिएको हो । साईकललाई ओभरट्याक गर्दा दुर्घटना भएको प्रहरीले जनाएको छ । ट्रक र चालक प्रहरीको नियन्त्रणमा रहेका छन् । लक्ष्मी र राजेश आमा छोरा भएको खुल्न आएको छ । उनिहरु दुबैजना वृद्धा र अपाङग भत्ता लिन वडा कार्यलयमा जादै गर्दा ट्रकले ठक्कर दिएको हो ।