जीप दुर्घटनाका सात मृतकहरुको सनाखत

रुकुम पूर्व । 
रुकुम पूर्वको सिस्ने गाउँपालिका–५, धारापानीमा जीप दुर्घटनामा ज्यान गुमाएका ६ जनाको सनाखत भएको छ ।
सिस्ने गाउँपालिकाको रुकुमकोटबाट धौलापैरा भन्ने ठाउँमा जाँदै गरेको लु १ ज २५७३ नम्बरको जीप आज करिब दिउँसो २ बजे धार्पानीमा दुर्घटना हुँदा ७ जनाको ज्यान गएको प्रहरीले जनाएको छ ।
जिल्ला प्रहरी कार्यालय रुकुम पूर्वका अनुसार मृत्यु हुनेमा पुथाउत्तरगंगा गाउँपालिका–२, का किरण पुन, सोही गाउँपालिका–१, का कुमार पुन, बुद्धिराज पुन र पुथाउत्तरगंगा गाउँपालिका–१३ कि तिर्सना तुलाचन, पुथा उत्तरगंगा १४ कि सालिनि बर्मा र बाँके कोहरपुर निवासी ललिता परियार, भुमे गाउँपालिका ४ का अर्जुन बिक रहेका छन् ।
दुर्घटनामा परि ५ जना घाइते भएका छन् । दुर्घटनामा मुसिकोट नरपालिका रुकुम पश्चिमका गाडी चालक जयबीर कामी, पुथा उत्तरगंगा गाउँपालिका ११ रुकुम पूर्वका प्रमिला बुढामगर, पुथा उत्तरगंगा गाउँपालिका २ का धनिराम पुन र सम्झना पुन घाइते भएको प्रहरीले जनाएको छ । घाइतेमध्ये धनिराम बिक र अर्जुन बिकको अवस्था गम्भीर रहेको बताइएको छ ।