पत्रकार पौडेल परिवार नै दुर्घटना ग्रस्त, उपचारमा सघाउन महासंघको आग्रह

मायादेवी अनलाइन, कपिलवस्तु ।
पत्रकार तथा रेडियो हर्टविटका स्टेशन म्यानेजर ओमप्रकाश पौडेल मोटरसाईकल दुर्घटनामा परि गम्भीर घाईते हुनुभएको छ । आइतबार साँझ कार्यालयको काम सकी घर फर्कने क्रममा वाणगंगा ४ ठाकुरापुरमा मोटरसाईकल दुर्घटना परि पौडेल घाइते हुनुभएको हो । पौडेल संगै मोटर साइकलमा रहनुभएकी उहाकै श्रीमति एवम संचारकर्मी कृपा पौडेल, ५ वर्षिय छोरा ईसान पौडेल र ८ महिने छोरी ईच्छा पौडेल घाईते हुनुभएको हो ।
घाईते चारै जनाको क्रिमसन अस्पताल बुटवलमा उपचार भईरहेको छ । घाईते मध्ये छोरा ईसान र छोरी ईच्छाको अवस्था सामान्य रहेको छ । पत्रकार ओम प्रकास खतरा मुक्त हुनुहुन्छ भने श्रीमति कृपालाई आइसियूमा राखेर उपचार भै रहेपनि होसमा आउन सक्नु भएकोछैन ।
उहाको टाउकोमा चोट लागेकाले आइतवार राती नै अप्रेसन गरिएको थियो । एफएम स्टेशनवाट हिडिरहेको बेला एक्कासी भैसीले ठक्कर दिदा पौडेलका सपरिवार दुर्घटनामा पर्नुभएको होे ।
यता दुर्घटना ग्रस्त पौडेल परिवारलाई नेपाल पत्रकार महासंघको टोलीले अस्पत्तालमा पुगी भेटघाट गर्दै स्वास्थ्य अवस्थावारे जानकारी लिएकोछ । पत्रकार महासंघका केन्द्रिय सदस्य बसन्त गिरी जिल्ला अध्यक्ष डिलाराम भुसाल पूर्व अध्यक्ष भेषराज पाण्डे सहितको टोली सोमवार विहान अस्पत्ताल पुगेको थियो ।
श्रमजीवि पत्रकार पौडेलको उपचारमा सहयोग पुराउन उहा कार्यरत संचार सस्थालाई गंभिर हुन समेत महासंघले आग्रह गरेकोछ । अध्यक्ष भुसालले एउटा पत्रकार अफिसको कामवाट घर नपुग्दै दुर्घटनामा परेकाले अफिसले गंभिरता पूर्वक लिई उपचारमा सघाउनु पर्ने उहाले वताउनुभयो ।