एसईईमा ज्ञानज्योती शिक्षा सदन बैदौली कपिलवस्तु प्रथम

दीपा महत/ विकास थापा, मायादेवी अनलाइन ।
ज्ञानज्योती शिक्षा सदन बैदौलीका अंकित बेल्वासे माध्यमिक शिक्षा परिक्षा एसईईको नतिजामा कपिल्वस्तु जिल्लामा प्रथम भएको विद्यालयले दाबी गरेको छ । विद्यालयले जनाए अनुसार अंकितले सबैभन्दा बढि ३.९५ जिपिए अंक ल्याई नीजि विद्यालयमा जिल्ला प्रथम भएको विद्यालयले दाबी गरेको छ । त्यस्तै ज्ञानज्योती शिक्षा सदनकै नितिस पाण्डेले ३.९ जिपिए ल्याएर जिल्लामा दोस्रो स्थान हासिल गरेको प्राचार्य ठाकुर पोख्रेलले दाबी गनुृभएको छ । जिल्ला शिक्षा कार्यालयले भने यसको पुष्टि गर्न बाँकी छ । जिल्ला शिक्षा कार्यालय प्रमुख सुरेन्द्रराज पराजुलीका अनुसार सम्पूर्ण विद्यालयको नतिजा प्राप्त भएपनि बढी जिपिए कस्को आएको छ भन्ने बारे अहिले भन्न नसकिने बताउनु भयो । यस्तै विभिन्न विद्यालयले आफुहरु उत्कृष्ट भनी दाबी गरेपनि जिल्ला शिक्षा कार्यलयले भने पुष्टी गरेको छैन् ।