वडामा पाँच दिने उद्घोषण तालिम शुभारम्भ

मायादेवी अनलाइन, कपिलवस्तु ।
वाणगंगा वडा नं. ७ को वडा कार्यालयको आयोजनामा पाँच दिने उद्घोषण तथा नेतृत्व विकास तालिम शुरु भएको छ । बुधबार एक कार्यक्रमका बीच वडा अध्यक्ष विष्णु गिरीले तालिमको उद्घाटन गर्नुभयो । वडा कार्यालयको प्राङ्गणमा शुरुवात भएको तालिम जेठ २७ गते सम्म सञ्चालन हुनेछ । ए वान मिडिया सेन्टरको समन्यव रहेको तालिममा २० जना महिलाहरुको सहभागीता रहेको छ । महिला लक्षित कार्यक्रम अनुसार वडा कार्यालयले तालिम आयोजना गरेको हो । तालिम सफलताको शुभकामना दिदै ए वान मिडिया सेन्टरका अध्यक्ष दिपक अनुरागीले तालिम व्यवहारिक रुपमा पनि सफल हुनुपर्नेमा जोड दिनुभयो । तालिमले महिलाहरुको नेतृत्व विकासमा सहयोग पुग्ने बताउँदै सिकेका कुरा व्यवहारमा उतार्न आग्रह गर्नुभयो ।
वडा अध्यक्ष विष्णु गिरीले तालिम सोचेभन्दा पनि राम्रो हुनेमा विश्वास व्यक्त गर्नुभयो । महिलाहरुको नेतृत्व विकासमा टेवा पु¥याउने उद्धेश्यले तालिम आयोजना गरिएको भन्दै वडा अध्यक्ष गिरीले तालिम अवधिभर सहभागीलाई राम्रो संग सिक्न आग्रह गर्नुभयो । कार्यक्रमको उद्घाटनशस्त्र वडा सचिव राजन केशीले गर्नुभएको थियो । तालिमको पहिलो दिन सञ्चारकर्मी नारायण पाण्डेले सहजिकरण गर्नुभएको थियो ।