दमकका वडाध्यक्षको घरमा बम बिस्फोट

मायादेवी अनलाइन, झापा ।
झापाको दमक वडा नं. ७ का वडाध्यक्ष भीम पौड्यालको घरमा केहिबेर अघि बम बिस्फोट भएको छ ।
घरको च्यानगेटमा बम बिस्फोट भएको प्रहरीले जनाएको छ । बेलुकी ८ बजेट ३० मिनेटको समयमा शक्तिशाली आवाज सहित बम बिस्फोट भएको थियो ।
बम बिस्फोटमा परेर दुई जना गम्भिर घाइते भएको बताइएको छ। बिस्फोट भएको ठाँउमा रगत बगेको देखिएको छ । घाईते हुनेमा श्यामु राई र त्रिलोचन पौडेल रहेका छन् ।
घाइतेहरुको दमक स्थित लाइफलाइन अस्पतालमा उपचार भइरहेको छ । अहिले उक्त स्थानमा स्थानीयहरुको भीड लागेको जनाईएको छ ।