नेपालगञ्जमा हुने उपराष्ट्रपति कपका लागि खेलाडीको बिदाई

मायादेवी अनलाइन, कपिलवस्तु ।
नेपालगञ्जमा आयोजना हुन लागेको प्रथम उपराष्ट्रपति कपमा कपिलवस्तुले पनि सहभागीता जनाउने भएको छ । जसको लागि कपिलवस्तुका खेलाडी सहितको टोली आइतबार नेपालगञ्ज प्रस्थान गरेको छ । जिल्ला खेलकुद बिकास समितिका अध्यक्ष छवि रेश्मी मगरको नेतृत्वमा प्रशिक्षक र खेलाडीहरु आइतबार त्यसतर्फ लागेको बताइएको छ ।
दूई दिनसम्म हुने प्रतियोगितामा एथ्लेटिक्स तर्फ १० जना, उसु र कराते तर्फ ६÷६ जना गरि जम्मा गरि २२ जना खेलाडीहरु त्यसतर्फ लागेका हुन । यस्तै उक्त टोलीमा जिल्ला खेलकुद बिकास समितिका कार्यालयका प्रमुख मिन प्रसाद पोखरेल, कराते सहायक प्रशिक्षक हेमन्त श्रेष्ठ, उसु प्रशिक्षक दत्त प्रसाद जैसि लगायत रहेका छन ।
कपिलवस्तुको बाणगंगा नगरपालिका ४ नम्बर जितपुरमा आयोजित खेलाडी बिदाई कार्यक्रममा जिल्ला खेलकुुद बिकास समितिका कोषाध्यक्ष पदम सेनले खादा र अविर लगाइ दिएर बिदाइ गर्नुभएको थियो ।