भरुवा बन्दुक सहित दुई जना पक्राउ

मायादेवी अनलाइन, बुद्धभूमि ।
भरुवा बन्दुक सहित बुद्धभूमि नगरपालिका–१ वीरपुरका बलबहादुर बस्नेत र राजाराम बस्नेत पक्राउ परेका छन् । आफ्नै घरमा मादक पदार्थ सेवनपछि एकापसमा विवाद गरी भरुवा बन्दुक देखाउँदा उनीहरुलाई पक्राउ गरिएको प्रहरीले जनाएको छ ।
इजाजत बिना राखिएको दुई थान भरुवा बन्दुक सहित उनीलाई नियन्त्रणमा लिइएको जिल्ला प्रहरी कार्यालय कपिलवस्तुका प्रहरी नायव उपरीक्षक नरेन्द्र कार्कीले बताउनुभयो । आइतबार साँझ पक्राउ परेका उनीहरुलाई हातहतियार तथा खरखजना अन्तर्गत मुद्दा दर्ता गरी अनुसन्धान भइरहेको प्रहरीले बताएको छ ।