बुद्धज्योतीका बिद्यार्थीहरुको सम्मानमा नगर परिक्रमा

किरणमान ब्रजाचार्य, कपिलवस्तु ।
नगरपालिका स्तरीय हाजिरी जवाफ प्रतियोगीतमा प्रथम स्थान हासिल गरेका कपिलवस्तु नगरपालिका स्थित बुद्ध ज्योति बोर्डिङ स्कुलका बिद्यार्थीहरुको सम्मानमा सोमवार नगर परिक्रमा गराईएको छ । ६ वटा नगरपालिका स्तरीय हाजिरी जवाफमा बुद्ध ज्योतिका सुशिल खनाल, दिब्या पन्थी र दिलिप केवटको समुह प्रथम भएका थिए । उनीहरुलाई बुद्ध ज्योती बोर्डिङको आयोजनामा गाडीमा हालेर तौलिहवा बजारको परिक्रमा गराईएको थियो । बिद्यालयले उनीहरुलाई फुलमाला र अबिरले स्वागत गरेको थियो ।
सो अवसरमा कपिलवस्तु नगरपालिकाका मेयर किरण सिंहले नगरस्तरीय हाजिरी जवाफमा प्रथम भएर नगरकै ईज्जत बढाएको भन्दै यो जितलाई कायम राख्न आग्रह गर्नुभयो । उहाले बिद्यार्थीहरुले अझ मेहनत र अध्ययन गर्नु पर्ने बताउनुभयो । सो अवसरमा बिद्यालयका प्राचार्य प्रकाश गैरेले प्रथभ भएर बिद्यालय कै गरिमा बढाएको भन्दै बिद्यार्थी र अभिभावकहरुलाई धन्यबाद ज्ञापन गर्नुभएको थियो ।