मदरसालाई आफु सक्दो सहयोग गर्ने मेयर शाहको प्रतिबद्धता

इमरान खान, कृष्णनगर ।
कृष्णनगर नगरपालिकाको मदरसा जामिया इस्लामिया नईमियाका मदरसा कमिटी एवम शिक्षकहरुलाई बधाई दिदै मदरसाको उत्थानका लागि आफु सक्दो योगदान गर्ने अश्वासन कृष्णनगर नगरपालिकाका मेयर रजत प्रताप शाहले दिनुभएको छ ।
मेयर शाह प्रमुख अतिथिको रुपमा उपस्थित भई मदरसामा नवनिर्मित चारवटा कोठाको उद्घाटन गर्दै कृष्णनगर नगरपालिकाबाट बिद्यार्थीहरुले पढ्ने अझै दुई वटा कोठा बनाउने आश्वासन समेत दिनुएको छ ।
‘जाति धर्म तथा मजहब भन्दा पनि समाजको बिकासमा म बिश्वास राख्छु उहाँले भन्नुभयो, ‘समाज र यस क्षेत्रका बिकासका लागि म हमेशा तयार छु ।’ कार्यक्रममा कृष्णनगर नगरपालिकाको वडा नं. २ का वडा अध्यक्ष संजय गुप्ताले शिक्षाको प्रचार प्रसारका लागि आफु सक्दो सहयोग गर्ने बताउनुभयो ।
यसैगरि यस मदरसा कमिटीका कोषाध्यक्ष एव्म नेपाली कांग्रेसका नेता अकिल मियांले जनसहयोगबाट मदरसा चलिरहेको जानकारी दिनुभयो ।
इन्डो नेपाल सामाजिक मचंका अध्यक्ष अकरम अब्दुल रहेमान खान उर्फ अकरम पठानका अनुसार शिक्षा तथा तालिमबाट असल व्यक्तित्वको निर्माण हुने भएकोले शिक्षा क्षेत्रमा सक्दो सहयोग गर्ने बताउनुभयो ।
यस कायंक्रमको शुरुवातमा मौलाना अकील अहमदलेकुरआन पाकको तिलावातबाट गरेका थिए । यस कार्यक्रममा अतिथिको रुपमा अब्दुल कलाम खान, हसन मोहम्मद, राहुल मोदनवाल, मौलाना शाहिद रजा, मौलाना इसरार खान, मिर्जा अरशद वेग, सगीर खान, इंकसार फारूकी लगायात मदरसाका शिक्षक तथा बिद्यार्थीहरुको उपस्थिति थियो । कार्यक्रमका संचालक सगीर ए खाकसारले कार्यक्रम संचालन गर्नु भएको थियो ।