लिटिल स्टारमा अभिभावकिय शैली प्रशिक्षण

विकास थापा, ओदारी ।
लिटिल स्टार ईलिंस बोर्डिङ स्कुल ओदारीमा १ दिने आधुनिक अभिभावकिय शैली प्रशिक्षण कार्यक्रम सम्पन्न भएको छ । अभिभावक विद्यालय र विद्यार्थीको सुमधुर सम्बन्धलाई प्रगाढ पार्ने उद्देश्यले कार्यक्रम गरिएको हो । साथै अहिलेका अभिभावक आधुनिक युग संगै आधुनिक हुनुपर्ने बालबालिकालाई सम्पत्ती नभई संस्कार सिकाउनु पर्ने लगाएतका कुरा सिकाईएको थियो ।

कार्यक्रममा बोल्दै प्रिन्सीपल सुन्दर पाण्डेले विद्यालयले विगतमा पनि यस्तका कार्यक्रमहरु गरेको र आगामी दिनमा पनि निरन्तरता दिने बताउनु भयो । कार्यक्रम विद्यालय संचालक समितीका उपाध्यक्ष डिल्लीराज भुषालको अध्यक्षता राष्ट्रिय प्रशिक्षक उपेन्द्र अधिकारीको सहजीकरण र शिक्षक कृष्ण भुषालको सञ्चालनमा सम्पन्न भएको हो ।