रोट्रयाक्ट कल्व अफ कपिलबस्तुद्धारा सरसफाई तथा बृक्षारोपण

हरि आचार्य, कपिलवस्तु ।
रोट्रयाक्ट कल्व अफ कपिलबस्तु मिड टाउनले शनिबार चार जितपुरको आसपास र पिपरा लगायतका स्थानमा विशेष सरसफाई तथा बृक्षारोपण कार्यक्रम गरेको छ । रोट्रयाक्ट कल्ब अफ कपिलबस्तु मिड टाउने विभिन्न स्थानमा सामाजिक तथा आर्थिक सहयोग गर्दै नमुना संस्थाको रुपमा आफुलाई स्थापित गर्दै आईरहेको छ । चार नम्बरको सामुदायिक अस्पताल तथा पिपरा अस्पतालको परिसरमा सरसफाई तथा बृक्षारोपण गरिएको हो ।
बृक्षारोपण र सरसफाई गर्नाले वातावरण सन्तुलनका साथै विभन्न रोगहरुबाट बचाउँने भएकाले उक्त कार्यक्रमको आयोजना गरिएको रोट्रयाक्ट कल्व अफ कपिलबस्तु मिड टाउका अध्यक्ष माधव पौडेलले बताउनुभयो । उहाँले सरसफाई आफैबाट सुरु ग¥यो भने अरुले त्यसको अरुले अनुसरण गर्दै जाने बताउनुभयो । अध्यक्ष पौडेलले यस्तै अरु पनि सामाजिक तथा सकारात्मक कार्यहरु गर्दै संस्थालाई अगाडि बढाउने पनि बताउनुभयो ।
कार्यक्रममा सिद्धार्थ नगर विकास समितिका विष्णु थापा, रोटरी क्लव अफ कपिलबस्तुका अध्यक्ष लक्ष्मण अधिकारी लगायत सम्पुर्ण सदस्यहरु, रोट्रयाक्ट कल्ब अफ कपिलबस्तु मिड टाउनका अध्यक्ष माधव पौडेल लगायत सम्पुर्ण सदस्यहरु, बुद्धिजिवी पत्रकार लगायतको सहभागिता रहेको थियो ।