पोखरामा बसको ठक्करबाट दुई प्रहरीको मृत्यु

मायादेवी अनलाइन, पोखरा ।
बसको ठक्करबाट पोखरामा दुईजना प्रहरी जवानको ज्यान गएको छ ।
पोखराको विजयपुरमा गएराति डिउटी सकेर ग ११ प ३६४५ नम्बरको मोटरसाइकलमा फर्कदै गरेका प्रहरी जवानहरु प्रदीपकुमार यादव र सुशिल बानियाँलाई बा ४ ख ५७५८ नम्बरको बसले ठक्कर दिएको प्रहरीले जनाएको छ ।
दुर्घटनामा गम्भीर घाइते भएका उनीहरुको क्षेत्रीय अस्पताल पोखरामा उपचारका क्रममा ज्यान गएको हो । प्रहरी जवान यादव र बानियाँ वडा प्रहरी कार्यालय बैदाममा कार्यरत हुनुहुन्थ्यो । बस चालकलाई भने प्रहरीले नियन्त्रणमा लिएको जनाएको छ ।